طريقة عمل الكرواسون بطعم البيتزا
- الكمية تكفي: 6 أشخاص
- وقت التحضير: 30 دقيقة
- وقت الطهي: 40 دقيقة
المقادير:
- 3 كوب دقيق
- كيس لبن بودره او 2 ملعقه كبيره و1 ملعقة صغيره بودر
- ملعقه صغيره ملح
- كوب لبن دافئ
- قطعة خميره بيره او 1ونصف ملعقة صغيره فوريه
- ربع كوب زيت او 3 ملاعق سمن
التحضير:
- للحشو اى حاجه تحبيها ممكن شيكولاته خام وممكن جبنه قديمه عليها شوية زيت ومهروسه عشان
- ماتنشفش فى الفرن وانا هنا عملت جزء بيها
- والجزء التانى عملته بخلطة البيتزا
- حطيت قطع طماطم مع فلفل الوان مع جبنه رومى مبشوره وشيدر مبشوره وقليل من صلصة البيتزا
- وممكن الاستغناء عنها وكمان زيتون اسود واخضر واى حاجه تانيه لو تحبى وهنا هنعجن كالتالى
- هتخلطى الدقيق واللبن البودرهخ والملح وبعدين نخلط اللبن مع الخميره وعليها ملعقة سكر او عسل نحل
- نضيفهم مع بعض مع الزيت ونعجن كويبس جدا ونتركها تخمر من ساعه الى ساعه ونصف وطبعا
- الحر اليومين دول بيسهل التخمير
- ودى صورتها قبل التخمير وبعد كده هنشكلها باننا نجيب
- قطعه من العجين زى دى ونفردها بالنشابه
- زى الصوره بالظبط ونحط حاجه بسيطه على الاطراف من كل حاجه يعنى قليل من الفلفل والجبنه والصلصه
- كله ماعدا الجبنه القديمه دى هنعمل بيها الباقى
- وهنحط الخلطه كده ونلف من القاعده للاطراف
- وهتبقى كده
الطبخ: طريقة عمل الكرواسون بطعم البيتزا
- وهنا ياقمرات بعد ماطلعت من الفرن
- انا هنا حاطه جبنه رومى مبشوره على الوجه عشان اميز بين اللى بخلطة البيتزا وبين اللى بجبنه بس
- شوفى كده وطبعا بندهن الوجه ببيض مع لبن وعليه قليل اوى من نقط ليمون عشان الظفاره وممكن
- نرش سمسم او حبة البركه
- ايه رايكم فيه كده