طريقة عمل الفطير باللحمة المفرومة

طريقة عمل الفطير باللحمة المفرومة

طريقة عمل فطير باللحمة
  • نوع الوصفة: اطباق رئيسية
  • محتوى الوصفة: معجنات
  • درجة الصعوبة: سهلة
    • الكمية تكفي: 4 أشخاص
    • وقت التحضير: 30 دقيقة
    • وقت الطهي: 30 دقيقة

المقادير:

طريقة عمل الفطير باللحمة المفرومة
طريقة عمل الفطير باللحمة المفرومة
    •  نصف كيلو لحم مفروم
    • جلاش عبوتين
    • 5 بيضات
    • كوب لبن
    • بصلتين
    • كوب عصير طماطم
    • زبدة وزيت درة
    • فلفل اسود
    • زنجبيل
    • زعتر
    • ملح
    • بهارات
  • التحضير:

  • اول حاجة حبيباتي بنشوح البصل في الزبدة زي الصورة اللي فوق ولما يبتدي البصل يتحمر
  • حنضيف اللحم المفروم ونشوح لغاية ما نسويه
  • ولما يستوي نضيف عصير الطماطم والهارات ونتركها تتسبك
  • وادي اللحم اتسبك خلاص حنبدا نفرد الفطير في صنية مدهونه
  •  بنفرد في الصنية كل فطيرتين مع بعض يعني نمسك فطيرتين ونحطهم في الصنية ثم ندهن بالزيت
  • ونحط فطيرتين تاني وبعدين ندهن بالزيت لغاية ما نخلص نص الكمية
  • هنا بقي نضيف اللحمة المفرومة ونفردها علي الفطير

الطبخ: طريقة عمل الفطير باللحمة المفرومة

  • واما نخلص نفرد النصف الباقي من الفطير ونغطي اللحمة المفرومة بالشكل اللي شايفينه في الصورة
  • وناخد الصنية ونحطها في الفرن علي شان نحمرها
  • في الوقت ده بنحضر البيض واللبن بنخفق البيض واللبن في الخلاط ونضيف لهم الملح والبهارات
  •  ونستني لما تتحمر الصنية نطلعها من الفرن ونسقيها البيض واللبن
  • وندخلها الفرن ونخفض درجة حرارة الفرن
  • شوفوا الفطير شكله عامل ازاي
  • اتنفخ وده دليل علي ان البيض واللبن ابتدوا يستووا وان كمية البيض واللبن مظبوطين
  • شوية كمان ونخرج الفطير من الفرن
  • وحتلاقيه مش متعجن ومورق

 

5/5 (1 Review)
قد يعجبك ايضا
اترك رد

لن يتم نشر عنوان بريدك الإلكتروني.