طريقة عمل الفراخ المشوية في البيت زى الحاتى والمطاعم
-
- الكمية تكفي: 4 أشخاص
- وقت التحضير: 30 دقيقة
- وقت الطهي: 45 دقيقة
المقادير:
-
- فرخة او اكتر متقطعة
- ( انا بحب الوراك و الدبابيس اكتر فى الشوى بس عادى ممكن تعمليها بباقى اجزاء الفرخة عادى )
- خل
- زيت زيتون ( او عادى )
- بصل
- طماطم
- فصوص توم
- ملح
- فلفل أسود
- كمون
- بهارات شواء
- معلقة سكر
- زعتر لبنانى ( اللى فيه سمسم ولونه فاتح شوية )
- زعتر البيتزا ( اللى مش فيه سمسم الورق ده )
- المكونات التانية :
- خضار :
- جزر مقطع
- بطاطا حلوة بقشرها مقطعة مكعبات
- بطاطس بقشرها مقطعة مطعبات
- كرات مقطع
- ( ممكن كمان تحطى كرفس )
- بصلة مقطعة
التحضير: طريقة عمل الفراخ المشوية في البيت
- انا بجيب الفراخ و أقطعها و أغسلها كويس بالماية و بعدين احطها فى حاجة واسعة كده و احط عليها دقيق و ملح
- و افضل أدعك فيهم لحد ما ايدى توجعنى
- و بعدين أغسلهم من الدقيق و الملح وارجعهم تانى فى حاجة واسعة
- و احط عليهم خل و اقطع ليمون
- و ادعك الفراخ بالخل و الليمون و بقشر الليمون لحد ما الفراخ بجد بتبقى نضيفة جدا و ريحتها بتبقى حلوة و مفيش
- اى زفارة خالص خالص الحمد لله
- نبدأ نجهز بقى الفراخ
- نقلب الورك كده و نبدأ نفصل العظم عن الجلد كده
- بس ما نقطعهوش يعنى
- و نفلبها تانى
- و نعمل فيها فتحات بالسكين كده
- و بالشاكوش نضربها معلش ماصورتش الخطوة دى
- و نعمل كده فى الباقى و نحطها فى طبق واسع كده
- نرجع لمكونات التبيلة
- هنحط كل المكونات فى الخلاط او الفود بروسيسور
- ماعدا الخضار المتقطع طبعا
- و نضربهم و ده شكلهم بعد ما خلطهم
- و نحطم على الفراخ بتاعتنا
- و نتبلهم بالخلطة كويس
- و نغطيها بالبلستيك الشفاف و ندخلهم التلاجة
- عادة بسيبها من بالليل للصبح
الطبخ: طريقة عمل الفراخ المشوية في البيت
- نيجى بقى للتسوية
- هنحط صينية على النار و ممكن معاها نقطة زيت عشان الفراخ ماتلزقش لما نحطها و نسيبها لما تسخن اوى
- عشان الفراخ تاخد الصدمة على رأى حماتى
- اول ما تسخن الصينية نحط الفراخ على طول
- و قبل ما تحمر اوى ننقلها فى مقلاة تانية كده
- فى الصينية اللى كانت فيها الفراخ نحط فيها الخضار اللى قطعته فى الأول
- من غير زيت ولا حاجة
- و نحط عليه ملح و فلفل اسود
- و نقلب الفراخ و الخضار
- لحد ما يبقى كده
- ( نص سوى )
- و بعدين نضيف علية باقى التتبيلة بتاعتنا اللى كنا متبلين بيها الفراخ
- ( لو تتبيلتك كتير اوى و خضارك قليل ضيفى نص التتبيلة بس )
- و نقلبهم و نسيبم شوية صغيرين على النار و بعدين نطفى عليهم
- و نطفى على الفراخ برضه و هيه نص سوى كده
- هنروح بقى نرص الفراخ دى على شبكة الفرن من فوق و الفرن يكون سخن
- و نحط صينية الخضار تحتها كده
- و اول ما الفراخ تطلع نرصها على الخضار اللى تحت و نجيب الكب الفويل و نحط حتة سمنة او لية و نطفى فيها
- فحمة
- بس ممكن انتى ماتحمريهاش كده من فوق
- و نغطيها بفويل كويس عشان تشرب ريحة الفحم كويس
- و قدمتها مع الرز و الخضار بتاعها و معاهم صوابع الموتزريلا و باذنجان محشى موتزريلا و معاهم التومية
- دى الفراخ لوحدها
ملاحظات: طريقة عمل الفراخ المشوية في البيت زى الحاتى والمطاعم
- ( على فكرة هية ماتحرقتش احنا اللى بنحبها كده اصل كان فيه واحد جنب البيت كان بيعمل الفراخ كده و كنا
- بنموت فى الفراخ بتاعته كده فاعشان كده بنحبها متحمرة شوية زيادة من فوق
- بس من جوه طرية جدا و جميلة فعلا ما شاء الله )
- طريقة عمل الفراخ المشوية في البيت زى الحاتى والمطاعم