طريقة عمل الفتة المصرية
المزيد من المشاركات
- نوع الوصفة: اطباق رئيسية
- محتوى الوصفة: لحوم
- درجة الصعوبة: سهلة جدا
المقادير:
- ارز ابيض مستوى .
- عيش بلدى مقطع و محمص .
- لحمة موزه مسلوقة بالشوربة .
- ملح فلفل ابيض..سمنه بلدى او زبده
- صلصة طمامم بالخل و الثوم .
التحضير:
- اولا الصلصه هنجيب حله ونحط معلقة سمنه ونفرم توم ونحطه يصفر وبعد مايصفر نحط معلقتين خل والطماطم
- متصفيه وملح وفلفل ابيض ونسبها تتسبك
- وبعدين الطماطم المتصفيه والتوابل ملح وفلفل ابيض
- تانى حاجه العيش انا افضل احمر العيش على البوتجاز بمعلقة سمنه وشوية ملح صغيرين بيبقى تحفه
- هنجيب العيش ونقطعه بسكينه علشان شكله يبقى حلو
- هنا قطعت العيش بالسكينه مكعبات
- هنجيب طاسه ونحط معلقة سمنه
الطبخ:
- وهنحط العيش وعليه رشة ملح بسيطه نقلبه كل شويه لحد مايتحمر
- العيش اتحمر وبقى ناشف وجميل
- نيجى بقى لللارز الابيض
- هنجيب حله ونحط فيها معلقة سمنه ومعلقة زيت
- ونحط الارز ونقلبه شويه على النار
- وبعدين نحط مقدار الميه والملح
- ودى الطريقه اللى بعاير بيها ماية الارز والحمد لله بيطلع حلو ومستوى
- هنا الارز استوى
- هنعمل بقى صينية الفته
- هنحط العيش وبعدين الارز وبعدين الصلصه ونحمر اللحمه فى حتة سمنه ونحطها على وش الفته