- الكمية تكفي: 6 أشخاص
- وقت التحضير: 25 دقيقة
- وقت الطهي: 30 دقيقة
عناصر المحتوى
المقادير:
- نص كيلو صدور فراخ مخليه (انا استعملت نص كيلو كتجربه بس )
- مقادير التتبيله
- 2 بصله
- 2 حبه طماطم
- 3 فصوص توم
- ليمون
- علبه زبادي
- فلفل اخضر
- ملح
- بهارات لحمه وكاري وفلفل اسمر
التحضير:
- وبعدين نضرب دا كله في الخلاط وبكده جهزت التتبيله
- ونقطع الصدور مكعبات ونحطها في التتبيله من بالليل يفضل كده
- بس انا عملتها انهارده فكنت سايباها 3 ساعات بس وبرضه طلعت تحفه بجد
- ودي الصدور في التتبيله
- وبعدين نجيب طماطم وفلفل وبصلايه او 2 حسب ماتستخدمي للكميه ونقطعهم مكعبات كده
- وبعدين نجيب الاسياخ الخشب ونبتدي نرص قطعه فراخ وبصل وطماطم وفلفل بالتبادل لحد ماتخلص
- الكميه ودا شكلها بعد ماخلصت رص
الطبخ: طريقة عمل الشيش طاووق في الفرن
- وبعدين نرص الاسياخ في صينيه ونحطها في الفرن ونرش عليها باقي التتبيله بتاعتنا ونقلبها من الوقت
- للتاني عشان تستوي هي مااخدتش وقت كتير
- وبعد مااستوت طلعتها عالشبكه تحت الشوايه
- وحمرتها من جميع النواحي تحت الشوايه وقتها كنت مولعه فحمه وحطيتها في وسط الصينيه بين
- الاسياخ وكبست عليها غطي حله عشان الدخان كله يملاها وكانت ريحتها بس مفحفحه عالاخر بجد
- طلعت جميله جدا جدا والاهم اني غظت اخويا اللي بيتحداني
