طريقة عمل الشاورمه بتكه جديده وعيش الصاج السخن
- الكمية تكفي: 4 أشخاص
- وقت التحضير: 30 دقيقة
- وقت الطهي: 30 دقيقة
عناصر المحتوى
المقادير:
- نص كيلو لحمه شرائح
- فلفل رومى مقطع سلايز
- بصل 3 بصلات
- بقدونس مفروم
- نص كوب خل
- 3 ليمونات
- ملح وفلفل وبهارات شاورمه وسماق وكمون وروز مارى
- زيت
- لو عندك قطع ليه او دهن وده بيدى للشاورمه طعم يجنن بس انا مكنش عندى للاسف
- مقادير عيش الصاج
- نص كيلو دقيق
- معلقتين لبن بودره
- معلقه كبيره خميره
- ربع كوب زيت
- معلقه كبيره سكر
- مايه دافيه للعجن حسب ما العجينه تتماسك معاكى
التحضير: طريقة عمل الشاورمه بتكه جديده
- هنتبل اللحمه قبلها بساعتين او من بالليل بالتوابل والخل والليمون
- وبصله وطماطمايه ونضربهم فى الخلاط
- وبعدين ننرصها فى صينيه ونحطها فى الفرن تستوى عادى
- وحطيت شويه من التتبيله على البصل زى ما قلتلكم ودخلتها معاها يدوبك يستوى شويه
- وبعدين قطعتها شرايح رفيعه وكل ما تكون السكينه حايه هتديكى نفس شكل الجاهزة
- ده شكطل اللحمه اما استوت
الطبخ: طريقة عمل الشاورمه بتكه جديده
- وقطعت البصل سلايز شايفيين شكله ازاى مستوى مش نى وفى نفس الوقت مش مهرىضفت البصل والفلفل على
- اللحمه ودخلتهم الفرن تانى لدقائقوبعدين فى الاخر ضفت البقدونس وه الشكل النهائى بتاعهانيجى للعيش
- هنضيف الخميره واللبن والسكر والزيت على كوب مايه دافيه ونسيبهم فى مكان دافىء يرتفعوا شويه
- وبعدين نضيف الدقيق ونعجن كويس اووى ونسيب العجينه ترتاح وتخمر تانى
- ونقطعها كور متوسطه هنا ادتنى 9 ارغفه
- نسيبها ترتاح شويه بعد التقطيع وده شكلها
- نفرد كوره كوره على دقيق لغايه ما تكون رقيقه
- ونكون مجهزين طاسه سخنه ونسويها على النار من فوق
- مش بياخد دقائق ونقلبه على الناحيه التانيه ونكرر طبعا لغايه ما نخلص كل الكميه
- وبجد كان روعه هش وطرى ويجنن والله
- نبتدى نجهز الساندوتش
- هنحط العيش وعليه الشاورمه وبطاطس محمره وسلطه طحينه ونلفه رول
- وزبس كده قدمته مع فرنش فرايز وزيتون مخلل
