طريقة عمل السمك مقلى وطعمه خطير
- الكمية تكفي: 4 أشخاص
- وقت التحضير: 120 دقيقة
- وقت الطهي: 30 دقيقة
عناصر المحتوى
المقادير:
- سمك
- فلفل اخضر مفروم
- ثوم مفروم
- ملح
- كمون
- شطة
- عصير ليمون
التحضير:
- السمك متنضف ومغسل كويس جدا وتبيلته عادى خالص
الطبخ: طريقة عمل السمك مقلى وطعمه خطير
- ادى شكل السمك بعد متنضف واتغسل كويس جدا وتبيلته عادى خالص
- بالخلطة دى
- فلفل اخضر مفروم…ثوم مفروم ….ملح…كمون…شطة…عصير ليمون
- ولو تحبى ممكن تضيفى معلقة خلطة سمك وبعد ما بتبله بسيبه شوية يتشرب التتبيلة
- على بال ما اجهز الارز الارز
- عادى خالص بحمر بصلة او اتنين فى زيت ذرة
- لان رز السمك الزيت بيبقى طعمه احلى
- وده شكل البصل بعد لما حمرته وزوده مياه وحطيت عليه ملح … كمون … شطة
- وياسلام لو حطيتى
- نص معلقة من خلطة السمك على المياه بتاع الارز بتدى طعم روعة
- خلطة السمك اللى بتعمليها فى البيت اللى فيها توم
- اوادى الشكل لما ضيفت الارز وبعدين بسيبهم على النار لحد ما يتشرب
- الارز المياه بهدى النار عليه واسيبه لما يستوى
- دلوقتى يا حبيباتى
- نجيب الدقيق علشان نتبل السمك به شوفوه بقا بعمل اية
- بحط على الدقيق معلقة صغيرة كارى وزيها كركوم وزيهم شطة واقلبهم مع الدقيق كويس جدا زى كدة الحاجات
- دى بتدى طعم وشكل جميل للسمك لما بنقليه والله روعة
- وبعدين اقلب فيهم السمك واحدة واحدة كدة
- وادى شكله بعد التتبيلة فى الدقيق
- وهنا بعد ما خلصت الكميه كلها
- شايفين اللون قبل ما يتقلى
- وهنا يا حبيبتى الشكل النهائى للاكل بعد ما استوى
- انا عملت سطة خضرا وسلطة زبادى مع الارز والسمك
- هو موضوع سهل وبسيط ومش محتاج اى حاجة زى ما قلتلكم
- لان كلنا بنقلى السمك بطريقة واحدة
- هى الفكرة بس فى الحاجات اللى على الدقيق
- ويارب اكون افيدتكم ولو بشئ بسيط