طريقة عمل الدجاج المشوي مع الاناناس للشيف يسري

طريقة عمل الدجاج المشوي مع الاناناس للشيف يسري

المقادير:

• 3 صدور دجاج صحيح منزوع الجلد والعظم
• 2 فص ثوم مفروم
• 1/4 كوب عسل ابيض
• 2 معلقة صويا صوص+2معلقة عصير ليمون
• 2 معلقة جنزبيل طازج مفروم
• 1/2 كوب كاجو محمص
• 1 كوب فلفل الوان مكعبات صغيرة
• 1 مكعب مرق فاين فودز
• 5 شرائح اناناس (كمبوت )مقطعين مكعبات
• 1/2 كوب من الشراب اللي مع الاناناس
• دة المكونات الاصلية للاكلة
• انا للاسف مكنش عندي فلفل الوان استبدلتة بفلفل اخضر عادي
• وضفت طماطماية مكعبات
• وكمان بصلاية مكعبات

التحضير:

• جبت طاسة وحطيت فيها شوية زيت وسمنة وحطيت فيهم بصلاية تتشوح
• غسلت الفراخ بخل وملح وليمون
• تبلت الفراخ بقليل من الصويا صوص والريحان والزعتر
• جبت طاسة تانية وحمرت الفراخ
• بعد ما البصل يدبل شوية نزلت بالثوم
• وبعدها الفلفل والطماطم
• بعد ما دبل الفلفل حطيت الاناناس المكعبات
• ثم عصير الليمون والصويا صوص والعسل الابيض
• والجنزبيل
• والسيرب اللي كان فية الاناناس
• واخر حاجة مكعب المرق
• حطيت الفراخ اللي حمرتها داخل الخليط السابق وغطيت عليها
• وسيبتها حتي تمام السوا