طريقة عمل الحواوشى في الفرن مثل المحلات
- الكمية تكفي: 4 أشخاص
- وقت التحضير: 30 دقيقة
- وقت الطهي: 30 دقيقة
عناصر المحتوى
المقادير:
- كوب دقيق
- 2 معلقة كبيرة لبن بودرة
- 2 معلقة كبيرة خميرة جافة
- معلقة سكر
- رشة ملح
- 2 معلقة كبيرة زيت زيتون
- كوب لبن دافي للعجن (( ممكن مش تاخديه كله و ممكن تاخدي كتر حسب نوع الدقيق ))
- لو هتعملي كمية اكبر ضاعفي الكمية و المكونات بس انا عملت على ادي
التحضير:
- هنخلط المكونات الجافة مع بعض و بعدين نضيف الزيت و بعد كده نبدأ نعجن باللبن و هنا الخطوة مهمة جدا
- بصي يا ستي انتي هتلفي العجين لحد ما يتلم كل اللي في الطبق و بعدين تطلعي العجينة ع الرخمة او التربيزة و
- هاتك يا عجن كتير لحد ما تحسي ان القوام بتاعها بقى متماسك و بتشد معاكي
- بعد كده هنسيبها في مكان دافي و تغطيها لحد ما تتخمر هنلاقي ده شكل العجينة ما شاء الله حجمها تضاعف
- ندخل بقى ع الحشو
- و الصورة هتوضح المكونات
- اللحمة دي كنت متبلاها في التلاجة تتبيلة الكفتة العادية
- بصل و توم و توابل و لمون و خل عادي يعني عندك جنبها فلفل و جزر و طماطم ممكن تزودي زتون مخلل و شطة
- مخللة بتديها نكهة روعة
- اما البيض و اللبن عشان ندهن بيه الوش بيبقى حلو اوي
- هنضيف الجزر و الطماطم و الفلفل على اللحمة و نعجنهم ببعض
الطبخ: طريقة عمل الحواوشى في الفرن
- هنبدي نقسم العجينة كور و نفردها و بعدين نحشيها باللحمة و نقفلها
- و ده هيبقى شكلها بعد ما دهناها بالبيض و اللبن و رشنا كمان السمسم (( ممكن حبة البركة )) و بعد ما تدخل
- فرنك و تحمر من برا شوفي بقى الجمال يا فتوكة
