طريقة عمل الارز البسمتي بالفراخ و المكسرات
- الكمية تكفي: 4 أشخاص
- وقت التحضير: 20 دقيقة
- وقت الطهي: 30 دقيقة
المقادير:
- نص كيلو ارز بسمتي
- نص كيلو فراخ بانيه مقطعة مكعبات صغيرة
- ربع كيلو بسلة و جزر
- و بصلة كبيرة مقطعة مكعبات صغيرة
- ملح
- و فلفل اسود
- و بهارات
- و حبهان
- و ورق لورا
- و نعناع
- و قرفة
- و قرنفل
- و كاري
- لوز و بندق مقشرين و مقسمين اربع ارباع
التحضير:
- بنعمل كل الحاجات سوا في نفس الوقت تقريبا
- بالنسبة للارز بنحط ملعقة زبدة و معلقتين زيت و نشوح فيهم الرز شوية
- بعد كده بنضيف التوابل فلفل و سنة صغيرة بهارات و نعناع و حبهان و لوراو قرفة و قرنفل و الكاري و نقلبه شوية و
- بعدين نحط الشوربة و نملحه و نسيبه يستوي
- و كده خلص
الطبخ: طريقة عمل الارز البسمتي بالفراخ و المكسرات
- بالنسبة للبانيه نحط برضه ملعقة زبدة و ملعقة زيت و نحط البصل يدبل شوية
- نضيف البانيه و نقلبه شوية و بعدين نضيف له فلفل اسود و ملح و نسيبه يستوي
- و كده خلص
- النسبة للبسلة و الجزر بنحط ملعقة زبدة و ملعقة زيت و نشوح فيهم البسلة و الجزر شوية و بعدين نهدي النار جدا
- و نسيبهم يستووا علي البخار
- لما يقربوا يستووا نحطلهم ملح و فلفل اسود و كده خلصوا
- اما المكسرات فعشان نقشرهم بنحطهم دقيقتين في مية بتغلي هيتقشروا بسهولة و نحمصهم مع نقطة زيت
ملاحظات:
- و نغرف بقا الطبق الرز و عليه المكسرات و الفراخ و البسلة و الجزر
- و الف هنا و علي فكرة بيبقا ممتاز في قائمة اي عزومة