طريقة عمل أطعم كبيبه شامي ممكن تأكليها
- الكمية تكفي: 8 أشخاص
- وقت التحضير: 25 دقيقة
- وقت الطهي: 30 دقيقة
عناصر المحتوى
المقادير:
- الطبقه الخارجيه:
- 3/4 كيلو لحم أحمر بدون دهون
- 1/2 كيلو برغل
- بصله
- ملح
- فلفل
- قرفه
- بهار
- زعتر
- الحشو:
- لحم مفروم متعصج بالطريقه العاديه
التحضير:
- (معلقه زبده نشوح فيها بصله مقطعه ومعاهم ورقتين لوري وفصين حبهان حتي تدبل البصله ونضع اللحم المفروم ونقلبه ونضيف فلفل اسود وقرفه ونسيبها تستوي وفي الاخر نضع الملح)
- ملحوظه:لما نحط الملح في الاول علي اللحمه المفرومه بتتكتل عشان كده بنحطه لما تستوي
الطريقه: - 1-البرغل بنغسله وننقعه في ماء عادي من الحنفيه لمده 10 دقايق ثم نصفيه ونعصره كويس جدا جدا
- 2-انا استخدمت المفرمه الكهربا حطيت فيها البرغل واللحم والبصله والتوابل ونفرمهم مرتين حتي تصبح عجينه زي كده
- 3-نأخذ جزء من الخليط ده ونعمله كره ثم نعمل فيها فتحه من النص زي الفنجان
- 4-نضع فيها جزء من الحشو
- 5-نقفلها كويس علي الحشو ومن الطرفين نخليها مدببه شويه
ودا الشكل النهائي
الطبخ:
- بنخلهم الفريزر شويه ونطلعها علي الزيت علي طووول
