طريقة تحضير مقلوب تونسي فى المنزل

طريقة تحضير مقلوب تونسي فى المنزل

طريقة تحضير مقلوب تونسي فى المنزل

  • نوع الوصفة: اطباق رئيسية
  • محتوى الوصفة: معجنات
  • درجة الصعوبة: سهلة
  • خصائص: سريعة التحضير
  • الكمية تكفي: 4 أشخاص
  • وقت التحضير: 30 دقيقة
  • وقت الطهي: 30 دقيقة

المقادير: طريقة تحضير مقلوب

طريقة تحضير مقلوب تونسي فى المنزل
طريقة تحضير مقلوب تونسي فى المنزل
  • 2 كوب دقيق
  • 3 ملاعق زيت
  • رشة ملح
  • رشة سكر
  • طماطم
  • فلفل حار وبارد حسب الرغبة 
  • بصل أبيض 
  • ثوم
  • فلفل حار
  • ملح
  • كراوية
  • زيت ويتون
  • بطاطس
  • صدزور فراخ

التحضير: طريقة تحضير مقلوب تونسي فى المنزل

  • تعجن المقادير بحليب دافئ وتقسم حوالي 5 كور وتترك قليلا لترتاح حوالي نصف ساعة
  • نروح نحضر بقية الحاجة ونجهزها جنبنا
  • ناخد بالنا يا فتوكات ان السلطات اللي هنقولها بتتحضر قبلها بيوم مثلا او من يومها الصبح عشان تلحق تسقع في التلاجة
  • انا زودت الطماطم شوية بس المفروض تبقى كميتها اقل من الفلفل معلش بأه اول مرة كنت اعملها سماح المرة دي
  • توضع جميعا في الفرن للشوي واول ما تتشوي نطلعها على طول نحطها في كيس ونقفل عليها
  • وعالتلاجة على طوول نسيبها شوية وبعدين نطلعها هنلاقيها بتتقشر بسهولة
  • نقشرها ونهرسها عالاخر وبعدين نحط عليها الملح حسب الرغبة والكراوية دي اهم ما يميزها
  • 2- الهريسة التونسي
  • ودي بتتحضر قبلها بأسبوع
  • عبارة عن فلفل حار مجفف في الشمس اسبوع تقريبا ونطحنه بعد ما ننزع منه البذور والاطراف
  • وبعدين نحط عليه ملح وثوم وكراوية وزيت زيتون
  • الهريسة مكون اساسي على المائدة التونسي يا فتوكات بس مقولكووش بأه ببتتطلع من الودااان
  • فانا محطتهاش (احنا اسفين يا تونس )
  • 3- سلطة بطاطس ودي مكون هام جدا في المقلوب ليه؟ بتديها طعم هايل
  • هنحضرها عادي جدا بنجيب البطاطس وبنقطعها مكعبات ونسلقها ونتبلها بس متكتريش التتبيل نصيحة
  • انا حطيت عليها ملح وفلفل وخلاص عشان متبقاش تقيلة في الساندوتش
  • 4- هنقطع كرنب سلاطة وخس وطماطم وبصل شرايح رفيعة وفيه محلات كانت بتحط زيتون اخضر كمان
  • 5- سلاطة التومية يا جماعة احنا هننساها وللا ايه ودي بقى حضريها بطريقتك المفضلة انا الطريقة
  • اللي عملتها كانت معلقة طعام نشا على كوب ماء وتوضع عالنار لغاية ما تتقل السمك المطلوب وبعدين
  • نطلعها ونحط عليها مايونيز وفص توم مفروم بس انا تقلت مني جامد وكلكعت لو انتي عندك طريقة تانية
  • معتمدة كان بها لو هتعملي الطريقة دي قللي النشا شوية
  • ودي صورة السلطات كلها مع بعض
  • طريقة تحضير مقلوب تونسي فى المنزل

الطبخ: طريقة تحضير مقلوب تونسي فى المنزل

  • هنحضر الفراخ بنجيب صدر دجاج مخلي ونقطعه مربعات صغيرة ونسويه على نار عالية وبدون تقليب
  • لغاية ما لون الوجه الاول يتغيرعشان مينزلش مية كتير وبعد ما نحس انه الوجه ده استوى نقلب
  • المكعبات عالناحية التانية ونتأكد انها استوت عالاخر وبعدها نطفي عليه ونتبله بملح فقط لا غير
  • 7- آخر مكون هنحضره جنبنا هي الموزاريللا المبشورة ودي بيكتروا منها في الساندوتش جامد عشان
  • يقللوا الفراخ عادي يعني زي مصر عندنا تلاقي ساندوتش الفراخ مفهوش فراخ اساسا
  • نفرد العجين على شكل دائرة (حجم الساندوتش يا جماعة يعني دائرة اد الرغيف كده) وانقليها في
  • صينية مدهونة مادة دهنية (هي المفروض بتترش دقيق بس انا معرفتش احمرها بصراحة بالطريقة دي فبقيت ادهن الصينية زيت) ونضع عليها من الطرف كمية من الفراخ والموتزاريللا
  • هم في المحلات كانوا بيسووها في الفرن خمس دقائق تقريبا لغاية ما العجين شكله يستوي (خدي
  • بالك انه رقيق فمش هياخد وقت) بس انا جربتها في البيت في الفرن مستوتش كويس قمت عملتها
  • عالنار من فوق قعدت احرك الصينية على شعلة هادية لغاية ما العجينة عليت كده دواير هوا زي الصور
  • واستنيت عليها شوية لغاية ما اتحمرت من تحت ولونها بقى حلو بس مش عايزين العجينة
  • تنشف لييه؟ عشان هنطبقها ساندوتش يا فتوووكة مش عايزينها تتكسر
  • كده تبقى استوت نحط بقى عليها السلاطات ندهن او نحط على الموتزاريلا والفراخ الهريسة والتومية
  • والطماطم والبصل والكرنب والخس ونقوم هوب قافلين عليه
  • هنا كنت مكترة السلطة واضطريت اشيل منها عشان يقفل الساندوتش
  • وهنا بعد ما قفلنا عليه ه محلات كانت بتعمل خطوة اخيرة انها بتحطه في الجريل عشان ياخد شكل
  • مخطط جميل بس انا لما عملت الخطوة دي المكونات طلعت بره
  • طريقة تحضير مقلوب تونسي فى المنزل
5/5 (1 Review)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *